ShBA-ja mohon se negociatat me Korenë Veriore kanë dështuar - Bota Sot
ShBA-ja mohon se negociatat me Korenë Veriore kanë dështuar

Bota

ShBA-ja mohon se negociatat me Korenë Veriore kanë dështuar

Më: 6 tetor 2019 Në ora: 09:07
Zyrtarët e Koresë Veriore

Shtetet e Bashkuara kanë mohuar raportimet se bisedimet bërthamore me Korenë Veriore kanë dështuar në ditën e parë të tyre, duke këmbëngulur se zyrtarët e dy shteteve kanë pasur diskutime të mira.

Sidoqoftë, zyrtarët e Koresë Veriore më parë kanë thënë se takimi ka dështuar për shkak se Shtetet e Bashkuara nuk kanë sjellë asgjë në tavolinën e bisedimeve.

Zyrtarët e të dyja vendeve u takuan të shtunën në Suedi në përpjekje për t’i ulur tensionet dhe për ta zgjidhur mosmarrëveshjen lidhur me programin bërthamor të Koresë Veriore.

Ky takim u zhvillua vetëm disa ditë pasi Koreja Veriore e testoi një raketë të re, e cila besohet se ka rreze veprimi prej 1900 kilometrash.

Takimi ishte i pari në nivelin zyrtar që nga takimi mes presidentit amerikan, Donald Trump, dhe liderit Korean, Kim Jong-un, në qershor të këtij viti.

Ndryshe, të enjten e kaluar Koreja Veriore tha se e ka testuar një raketë që mund të bartë armë bërthamore dhe që mund të lëshohet përmes nëndetëses, shkruan “BBC”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...