SHBA-ja i kërkoi sot qeverisë siriane dhe aleatit rus që të ndërpresin sulmet e tyre ajrore në veriperëndim të Sirisë.
Departamenti amerikan i Shtetit theksoi se 12 persona ishin vrarë në dy ditë si pasojë e sulmeve në veriperëndim të vendit, që kanë prekur një shkollë dhe një maternitet.
“Incidentet e fundit të sinjalizuara japin një skemë të qartë të sulmeve kundër infrastrukturave dhe civilëve nga forcat ruse dhe siriane”, deklaroi Morgan Ortagus, zëdhënëse e departamentit amerikan të Shtetit.
“Ne i kërkojmë Rusisë dhe regjimit të Bachar al- Assad të zgjidhin këtë konflikt nëpërmjet një procesi politik të lehtësuar nga OKB dhe të ndërpresin luftën në zonat civile”, theksoi ajo në një komunikatë.
