Të shtëna në një qendër tregtare në Oklahoma, të paktën tre të vdekur - Bota Sot
Të shtëna në një qendër tregtare në Oklahoma, të paktën tre të vdekur

Bota

Të shtëna në një qendër tregtare në Oklahoma, të paktën tre të vdekur

Më: 18 nëntor 2019 Në ora: 18:08
Foto

Të paktën tre persona janë vrarë nga disa të shtëna në një Walmart në Oklahoma, shkruajnë mediat e huaja.

Sipas Patrullës së Autostradës në Oklahoma, një burrë i veshur me të zeza, hapi zjarr brenda Walmart në Duncan, i cili ndodhet në 3393 North 81 Highway.

Departamenti i Policisë Duncan ka konfirmuar se sulmuesi është i vdekur.

Ngjarja ndodhi pak para orës 10 të mëngjesit të së hënës (sipas kohës lokale), dhe autoritetet erdhën në vendin e ngjarjes vetëm pak minuta më vonë.

Shkollat publike në Duncan janë të gjitha të mbyllura pas këtij rasti.

“Si gjithmonë, ne jemi duke ndërmarrë çdo masë paraprake për të mbrojtur stafin dhe studentët tanë. Në këtë kohë, të gjitha shkollat janë të mbyllura për shkak të këtij rasti”, thanë autoritete lokale.

Shfaq komentet
comments powered by Disqus
Sot mund të lexoni Shfletoni kopertinat