Ushtria izraelite tha se përgjoi katër raketa në hyrje nga Siria të martën dhe shpërthimet u dëgjuan menjëherë pas kësaj në Damask, një javë pasi një sulm tjetër izraelit shënjestroi një militant të lartë palestinez në kryeqytetin sirian, shkruan AP.
Sistemet izraelite të mbrojtjes ajrore kapën predhat, tha ushtria, dhe asnjë dëm nuk u shkaktua komuniteteve izraelite në lartësitë Golan pasi sirenat paralajmëruese zgjuan banorët atje herët në mëngjes. Nuk ka asnjë koment zyrtar të menjëhershëm nga Siria, por agjensia shtetërore e lajmeve SANA njoftoi se shpërthimet ishin dëgjuar pranë Aeroportit Ndërkombëtar të Damaskut, duke treguar një sulm të mundshëm hakmarrës të Izraelit.
