Ushtarët izraelitë në Bregun Perëndimor të okupuar hapën zjarr ndaj një palestinez që hodhi një bombë zjarr në një makinë të shtunën, tha ushtria izraelite dhe Ministria Palestineze e Shëndetësisë tha që burri u vra, raporton Reuters.
Ushtria tha që trupat po kryenin operacione në zonë për të parandaluar sulmet militante kur panë tre palestinezë duke hedhur bomba me benzinë në një makinë izraelite që udhëtonte në një rrugë aty pranë.
Trupat më pas hapën zjarr dhe panë që një i dyshuar ishte goditur, tha ushtria në një deklaratë. Dy të dyshuarit e tjerë u morën në arrest për marrje në pyetje.
Zyrtarët palestinezë nuk bënë asnjë koment të menjëhershëm në lidhje me incidentin që ndodhi në afërsi të qytetit Hebron të Bregut Perëndimor. Ministria e Shëndetësisë nuk dha detaje të mëtejshme.
Palestinezët kërkojnë një shtet në Bregun Perëndimor, në lindje të Jeruzalemit dhe në Rripin e Gazës, territore që Izraeli i kapi në luftën e Lindjes së Mesme në vitin 1967.
Në Bregun Perëndimor, shumica e të cilave kontrollohet nga ushtria izraelite, palestinezët kanë vetëqeverisje të kufizuar.