Dy burra indigjenë, anëtarët e fisit Guajajara në verilindje të Brazilit, u qëlluan për vdekje të shtunën, dhe dy të tjerë u lënduan, jo larg nga vendi ku u vra gjithashtu një fisnor i shquar që runate pyjet, muajin e kaluar, thanë autoritetet, raporton Reuters.
Fiset autoktonë në Brazil po përballen me dhunë të përshkallëzuar gjatë presidencës së Jair Bolsonario, i cili ka premtuar të zvogëlojë të drejtat e fisit dhe inkurajoi shfrytëzimin tregtar të tokave të tyre të mbrojtura. Fiset janë përballur me dhunë sidomos nga prerësit e paligjshëm dhe minatorët.
Magno Guajajara, një zëdhënës i fisit, tha se ata nuk e dinë pse ishin qëlluar dy burrat, të cilët i identifikoi si Firmino Guajajara dhe Raimundo Guajajara. Por burrat ishin në një autostradë, duke u kthyer nga një mbledhje, kur ndodhën të shtënat.
"Ata po qëllonin ndaj të gjithëve," tha ai.
Autoritetet thanë që po hetonin por nuk thanë nëse dikush ishte ndaluar.
