Një numër i madh personash të veshur me të zeza kanë dalë që të japin respektin e tyre të fundit për komandantin ushtarak iranian Qasem Soleimani përpara varrosjes së tij, shkruan BBC.
Soleimani u vra në një sulm me avionë amerikanë në Irak të Premten, me urdhër të Presidentit Donald Trump.
Trupi i tij tani ka mbërritur në qytetin e tij të lindjes, Kerman në Iranin jug-lindor, ku po varroset të martën në mëngjes.
Turma të mëdha tashmë dolën për një procesion funerali në Teheran.
Irani ka premtuar "hakmarrje të rëndë" për vdekjen e Soleimani dhe të Dielën u tërhoq nga marrëveshja bërthamore e 2015.