Nisin arrestimet në Iran për rrëzimin e avionit ukrainas - Bota Sot
Nisin arrestimet në Iran për rrëzimin e avionit ukrainas

Bota

Nisin arrestimet në Iran për rrëzimin e avionit ukrainas

Më: 14 janar 2020 Në ora: 09:54
Ilustrim

Në Iran kanë nisur arrestimet për rrëzimin e avionit ukrainas që i mori jetën 176 personave. Gjyqësori në Teheran ka njoftuar për arrestimet, por më shumë detaje nuk bëhen me dije.

Avioni Boeing 737 u godit të mërkurën e kaluar nga një raketë teksa po fluturonte mbi Teheran. Ndonëse regjimi mohoi fillimisht se ishte përgjegjës për ngjarjen, presioni ndërkombëtar e detyroi të pranonte se rrëzimi ishte aksidental.

Shumica e viktimave ishin kanadezë dhe ukrainas, ndërkohë që drejtuesit iranianë kanë kërkuar falje për ngjarjen dhe kanë marrë përsipër dëmshpërblimet.

Homazhet për viktimat u kthyen menjëherë në protesta të dhunshme në Iran, me mijëra qytetarë që bëjnë thirrje për rrëzimin e regjimit.

Shfaq komentet
comments powered by Disqus
Sot mund të lexoni Shfletoni kopertinat