Ky vend e kaloi Italinë e Spanjën me numrin e të infektuarve me koronavirus

Bota

Ky vend e kaloi Italinë e Spanjën me numrin e të infektuarve me koronavirus

Më: 17 maj 2020 Në ora: 10:56
Ilustrim

Të shtunën, Brazili ua kaloi Italisë dhe Spanjës sa i përket numrit të përgjithshëm të të infektuarve me koronavirus, duke e zënë vendin e katërt në botë pas Shteteve të Bashkuara, Rusisë dhe Britanisë së Madhe.

Ministria e Shëndetësisë i regjistroi 14,919 raste të reja për 24 orë dhe numri i përgjithshëm i të prekurve në këtë shtet shkoi në 233,142 persona.

Rritja e numrit të rasteve pritet ta shtojë trysninë ndaj presidentit Jair Bolsonaro, i cili për një muaj i humbi dy ministra të shëndetësisë përderisa po i kundërshton ekspertët shëndetësorë dhe po bën thirrje që të përdoren ilaçet që nuk janë dëshmuar si efektive.

Bolsonaro gjithashtu i ka kritikuar ashpër vendimet e guvernatorëve rajonalë për masa të rrepta të izolimit kundër përhapjes së koronavirusit, ku përfshihet mbyllja e shkollave, dyqaneve dhe restoranteve, raporton “Reuters”.

Sipas presidentit, efekti i pandemisë në ekonomi po bëhet i papërballueshëm dhe bizneset duhet të lejohen që të rihapen sa më shpejt që është e mundshme. Qeveria braziliane pret që ekonomia ta shënojë tkurrjen më të madhe që është regjistruar ndonjëherë në histori prej fillimit të mbajtjes së statistikave para më shumë se një shekulli.

commentFirst article
Sot mund të lexoni Shfletoni kopertinat