Në Meksikë gjatë 24 orëve të fundit janë regjistruar 501 të vdekur nga Coronavirusi.
Kjo ishte shifra më e lartë ditore e viktimave që nga fillimi i përhapjes së sëmundjes në këtë shtet shkruan “Reuters”.
Sipas autoriteteve shëndetësore të Meksikës, numri i përgjithshëm i viktimave ka shkuar në 8,134, ndërsa shifra e të infektuarve në 74,560.
Pavarësisht rasteve të reja, ky shtet, që është në mesin e dhjetë vendeve më të vizituara nga turistët në botë, ka paralajmëruar se do t’i rihapë dyert për vizitorët e huaj nga qershori.