Një zyrtar iranian bëri thirrje që përdorimi i maskave të bëhet i detyrueshëm pasi vendi të mërkurën raportoi numrin më të lartë të vdekjeve nga koronavirsui në më shumë se dy muaj e gjysmë.
"Sigurisht kërkohet që përdorimi i maskave të bëhet i detyrueshëm," tha zv.ministri i Shëndetësisë Alireza Raisi, raporton France24.
"Nëse përdorim maska, veçanërisht në hapësira të mbyllura dhe tubime, ne mund të pakësojmë shumë përhapjen e virusit," shtoi ai.
Irani raportoi rastet e tij të para COVID-19 më 19 shkurt, dhe që prej asaj kohe ka luftuar të përmbajë shpërthimin në numrin e vdekjeve afro 10,000.