23 persona vdiqën dhe dhjetëra të tjerë humbën pasi një traget u përplas me një anije tjetër, në Bangladesh, sipas zyrtarëve të shpëtimit.
“Ne kemi zbuluar deri tani 23 trupa nga trageti i mbytur,” i tha AFP zyrtari i zjarrfikësve Enayet Hossain.
“Kishte 50 vetë në bord … Zhytësit tanë të shpëtimit janë ende në kërkim,” tha zyrtari.
Disa dëshmitarë u thanë stacioneve televizive lokale se barka mbante më shumë se 50 vetë, me shumë të mbërthyer në kabina.
Aksidentet e trageteve janë të zakonshme në Bangladesh për shkak të standardeve të dobëta të sigurisë në kantierët e shumtë të vendit.
Anijet janë shpesh të mbipopulluara dhe fundosen në mot të keq.