Zyrtarët e lartë të sigurisë në Meksikë janë duke analizuar një video të publikuar në internet, ku shfaqen trupa të armatosur deri në dhëmbë dhe që besohet të jenë anëtarë në narko-kartelit Halisko.
Sekretari meksikan për Siguri Publike, Alfonso Durazo, ka bërë të ditur se është duke analizuar autenticitetin e videos së publikuar në internet, transmeton Telegrafi.
Në videon e shkurtër mund të shihen burra të uniformuar, me pushkë të gjata dhe armë tjera duke qëndruar pranë veturave të blinduara, e në uniformë mbanin logon CJNG që do të thotë “Halisko Nuevo Generacion”.
Më pas janë filmuar duke u betuar për besnikëri ndaj liderit të tyre, Nemesi Osegeri.
Siq raportojnë mediat meksikane, ushtarët i përkasin “forcave speciale” të Haluskos, të pajisur me armët më moderne madje edhe më të avancuara sesa që i posedon ushtria meksikane.
