Zyrtari i OBSH-së, Ryan: Suedia ka “ngelur” në luftën kundër coronavirusit

Bota

Zyrtari i OBSH-së, Ryan: Suedia ka “ngelur” në luftën kundër coronavirusit

Më: 1 shtator 2020 Në ora: 08:05
Foto ilustrim

Një zyrtar i lartë i Organizatës Botërore të Shëndetësisë vlerësoi se Suedia ka “ngelur” në luftën kundër pandemisë së coronavirusit, duke thënë se qasja e saj ishte e keqe.

Qeveria e Suedisë është kritikuar gjerësisht për kërkimin e imunitetit të tufës duke lejuar që virusi të lëviz nëpër popullatë, raporton CNN.

Por, mjeku Mike Ryan, drejtori ekzekutiv i Programit të Emergjencave Shëndetësore të Organizatës Botërore të Shëndetësisë, tha se nuk është e vërtetë që Suedia nuk ka zbatuar masa kontrolli.

“Ajo u përpoq të mbështetet te individët dhe komunitetet për t’iu përmbajtur këshillave të qeverisë dhe është përpjekur të shmangë vendosjen e bllokimeve të detyrueshme, mbajtjen e distancës”, pohoi Ryan.

Kjo bazohet në nivele historike të besimit midis qeverisë suedeze dhe njerëzve të saj, tha Ryan.

“Kjo është mënyra në të cilën bashkëveprojnë suedezët dhe qeveria e tyre”, tha ai duke shtuar se “Kjo është kontrata sociale në Suedi.”

Ndryshe, 83958 persona në shtetin suedez janë infektuar me coronavirus gjersa kanë ndërruar jetë 5821 njerëz.

commentFirst article
Sot mund të lexoni Shfletoni kopertinat