Uellsi do të implementojë një bllokim mbarëkombëtar nga e premtja më 23 tetor deri të hënën më 9 nëntor, si masë preventive ndaj coronavirusit.
Sipas BBC, banorët e vendi janë të obliguar të qëndrojnë në shtëpi, derisa do të mbyllen restorantet dhe dyqanet joesenciale.
Bazuar në këtë vendim, njerëzit nuk do të lejohen të takohen me persona jashtë familjes.
Bizneset e kohës së lirë për argëtim, qendrat e komunitetit, bibiliotekat dhe qendrat e riciklimit do të mbyllen.
Lideri i Uellsit, Mark Drakeford, tha se ky bllokim do të jetë i shkurtë dhe i mprehtë, për ta ngadalësuar përhapjen e virusit, duke shtuar se sëmundja po shtrihej me shpejtësi në vend.
