Pesëmbëdhjetë vende të Azi-Paqësorit kanë nënshkruar marrëveshjen më të madhe të tregtisë së lirë në botë, e cila shihet si një mundësi për Kinën për të shtrirë influencën.
Partneriteti Ekonomik Gjithëpërfshirës Rajonal (Rcep) përfshin 10 ekonomitë e ASEAN së bashku me Kinën, Japoninë, Korenë e Jugut, Zelandën e Re dhe Australinë, që zënë rreth 30% të PBB-së globale.
Propozuar për herë të parë në 2012, marrëveshja u nënshkrua në fund të një samiti të vendeve të Azisë Juglindore, me disa udhëheqës të angazhuar për të ringjallur ekonomitë e goditura nga pandemia Covid-19.
India nuk ka nënshkruar nga frika e rritjes së deficitit të saj tregtar me Kinën, por mund të bashkohet në një moment të dytë.
