Rusia i kundërpërgjigjet SHBA-ve, merr këtë vendim për presidentin Joe Biden

Bota

Rusia i kundërpërgjigjet SHBA-ve, merr këtë vendim për presidentin Joe Biden

Nga: A.M. Më: 15 mars 2022 Në ora: 17:05
Joe Biden

Më herët u raportua se Rusia kishte vendosur sanksione ndaj presidentit amerikan Joe Biden dhe zyrtarëve të tjerë të lartë.

Ministria e Jashtme e Rusisë thotë se atyre u është ndaluar hyrja në vend si përgjigje ndaj sanksioneve të SHBA.

Masa "është pasojë e politikës jashtëzakonisht rusofobike të ndjekur nga administrata aktuale e SHBA", thuhet në një deklaratë, shkruan BBC, transmeton "Bota sot".

Në njoftimin e fundit për sanksionet, SHBA-ja ka vënë në shënjestër katër persona dhe një entitet. Ata akuzohen se kanë ndihmuar në fshehjen e ngjarjeve rreth vdekjes së sinjalizuesit Sergei Magnitsky, ose për lidhje me shkeljet e të drejtave të njeriut kundër avokatit të të drejtave të njeriut Oyub Titiev.

Thesari i SHBA-së tha gjithashtu se po shtonte sanksionet e saj kundër presidentit të Bjellorusisë Aleksandër Lukashenko dhe se kishte në shënjestër gruan e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat