Tre njerëz të vdekur pas sulmeve në qendër të Izraelit

Bota

Tre njerëz të vdekur pas sulmeve në qendër të Izraelit

Më: 5 maj 2022 Në ora: 21:30
Zyrtarët policorë në Izrael. Fotografi nga arkivi.

Tre njerëz janë vrarë dhe të tjerë janë plagosur në atë që policia ka thënë se dyshohet të jetë sulm terrorist në qendër të qytetit izraelit, Elad.

Dy sulmuesit – njëri i armatosur me armë dhe tjetri me sëpatë – kanë shënjestruar kalimtarët në parkun e qytetit, kanë raportuar mediat izraelite.

Të dyshuarit janë ende në arrati.

Ky sulm ka ndodhur teksa Izraeli ka shënuar Ditën e Pavarësisë, ditë pushimi për nder të themelimit të shtetit.

Ky sulm vjen edhe pas sulmeve vdekjeprurëse që janë kryer nga palestinezët dhe arabët izraelitë në ditët e fundit, duke shënuar periudhën me sulmet me të përgjakshme në Izrael prej vitit 2006.

Të paktën 15 njerëz janë vrarë në Izrael dhe në Bregun Perëndimor në javët e fundit.

Izraeli është përgjigjur duke bastisur qytezat palestineze, veprime që kanë nxitur përleshje dhe kanë rezultuar me viktima.

Së fundi ka pasur përleshje të dhunshme edhe në kompleksin e xhamisë Al-Aksa në Jerusalem, pikë e rëndësishme si për myslimanët, ashtu edhe për hebrenjtë, të cilët e quajnë Mali i Tempullit.

Autoritetet lokale u kanë kërkuar banorëve të qytetit Elad që të qëndrojnë në ambiente të brendshme.

Shumica e popullsisë së qytetit është pjesë e komunitetit të hebrenjve ultra-ortodoksë./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat