Nëse Finlanda i bashkohet NATO-s dhe armët goditëse të Aleancës vendosen në territorin e saj, Moska do të forcojë grupimin e trupave në kufi, tha sot kryetari i Komitetit të Këshillit të Federatës për Mbrojtje dhe Siguri, Viktor Bondarev.
“Në rast se në Finlandë do të vendosen armë sulmuese, goditëse të NATO-s, në afërsinë tonë të menjëhershme, ne do të forcojmë kufijtë tanë dhe do të forcojmë grupimin rus të trupave në kufi.
Asgjë nuk kërcënon sigurinë e Rusisë”, ka shkruar Bondarev në Telegram.
Presidenti i Finlandës Sauli Väinämö Niinistö njoftoi më herët sot se vendi i tij do të aplikojë për anëtarësim në NATO.
