Një numër ukrainassh janë plagosur dhe disa supozohet se kanë vdekur, pasi Rusia nisi një sulm me raketa në fshatin Desna pranë Chernihiv, ka thënë guvernatori i qytetit.
Në një video të postuar në Facebook, Viacheslav Chaus pretendoi se Rusia lëshoi katër raketa rreth orës 05:00 me kohën lokale. “Paraprakisht kemi të vdekur dhe shumë të plagosur”, tha ai, shkruan BBC, përcjell “Bota sot”.
Dy nga raketat goditën ndërtesat në fshat, vazhdoi Chaus, pa sqaruar nëse këto ishin objekte banimi apo industriale.
Ekipet e shpëtimit dhe oficerët e zbatimit të ligjit po punojnë për të gjetur trupat e atyre që u kapën në sulm, shtoi ai.
BBC nuk ka qenë në gjendje të verifikojë në mënyrë të pavarur këto pretendime.
Desna, një qytet i vogël, është shtëpia e Qendrës së Trajnimit të 169-të të ushtrisë ukrainase.
