Një objekt kërkimor bërthamor është dëmtuar nga granatimet ruse

Bota

Një objekt kërkimor bërthamor është dëmtuar nga granatimet ruse

Nga: M.H. Më: 26 qershor 2022 Në ora: 00:18
Ukrainë

Një objekt kërkimor bërthamor në Ukrainë është dëmtuar nga granatimet ruse, tha Inspektorati Shtetëror Rregullator Bërthamor.

Sulmi dëmtoi disa nga ndërtesat dhe infrastrukturën e zonës, por nuk ndikoi në zonën ku ndodhet karburanti bërthamor, thuhet në një postim në internet, shkruan Sky news, përcjell “Bota sot”.

Autoriteti shtoi se nivelet e rrezatimit në zonë kanë mbetur brenda kufijve normalë.

"Probabiliteti i dëmeve të reja ... që mund të ndikojë drejtpërdrejt në gjendjen e sigurisë bërthamore dhe rrezatuese, mbetet i lartë për shkak të granatimeve nga trupat ruse," tha ai.

Ndërtesa ndodhet brenda qytetit verilindor të Kharkiv, i cili pësoi bombardime të rënda në muajt e parë të luftës.

Javët e fundit është parë një qetësi relative, por kjo është thyer nga granatimet e reja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat