​Franca mund të riaktivizojë një termocentral me qymyr këtë dimër

Bota

​Franca mund të riaktivizojë një termocentral me qymyr këtë dimër

Më: 26 qershor 2022 Në ora: 23:18
Foto ilustrim

Termocentrali me qymyr në Francën lindore, i paraparë të mbyllej më 31 mars pas 71 vjet aktiviteti, mund të rifillojë këtë dimër duke pasur parasysh situatën në Ukrainë dhe tensionet në tregun e energjisë, konfirmoi Ministria Franceze e Tranzicionit të Energjisë.

Ministria deklaroi se po e lë mundësinë që të aktivizohet edhe për disa orë selia St.-Avold nëse ka nevojë për dimrin e ardhshëm, duke konfirmuar informacionin në Radio RTL.

Siç u tha, Franca në çdo rast do të mbetet nën një për qind të energjisë elektrike të prodhuar nga qymyri dhe qymyri rus nuk do të përdoret.

Në Francë, ka vetëm një termocentral tjetër me qymyr në Cordeme në perëndim, ku më shumë se 67 për qind e energjisë elektrike prodhohet nga burimet bërthamore, dhe lëndët djegëse fosile përbënin 7,5 për qind në vitin 2020, nga të cilat 0.3 për qind ishte qymyr dhe 6.9 për qind gaz.

Ministria tha se rifillimi i punës së termocentralit përshtatet në planet e mbylljes dhe se plani i presidentit Emmanuel Macron për të mbyllur të gjitha termocentralet me qymyr në Francë mbetet i pandryshuar.

Gjermania, Austria dhe Holanda njoftuan së fundmi se do të rrisin përdorimin e qymyrit, lëndës djegëse fosile që është më e dëmshme për klimën, për të kompensuar rënien e furnizimit me gaz rus në Evropë.

Ky vendim shqetësoi Komisionin Evropian dhe organizatat mjedisore, të cilat vunë në dukje rrezikun e devijimit nga synimet klimatike të BE-së

commentFirst article
Sot mund të lexoni Shfletoni kopertinat