Pamje/ Putini lihet i vetëm! Turkmenistani “poshtëron” presidentin rus, si u pritën liderët e tjerë me bukë e kripë

Bota

Pamje/ Putini lihet i vetëm! Turkmenistani “poshtëron” presidentin rus, si u pritën liderët e tjerë me bukë e kripë

Më: 1 korrik 2022 Në ora: 23:38
Vladimir Putin

Të mërkurën në Turkmenistan është mbajtur samiti i gjashtë i vendeve të Kaspikut, pjesë e të cilit ishte edhe presidenti rus Vladimir Putin.

Në videon e shpërndarë në rrjet, duket se si pjesëmarrësit në samit, janë pritur nga një djalë i vogël i vendosur nga autoritetet për të pritur liderët teksa zbrisnin nga avioni. Vogëlushi mbante në duar një tabaka me bukë dhe kripë, gjest ky që i shkon për shtat edhe një shprehje të popullit tonë “Buke e kripë dhe zemër e bardhë”.

Sipas videos së shpërndarë në Twitter nga Nexta, duket se përjashtim bën lideri rus, i cili nuk është pritur nga vogëlushi.

“Putini u poshtërua në Turkmenistan.

Pjesëmarrësit e samitit të vendeve të Caspikut u pritën me bukë dhe kripë. Vetëm se askush nuk e takoi Putinin. Diktatori i vogël i vendit të madh, i trishtuar shkoi në makinë krejt i vetëm”, shkroi Nexta.

Ndërkohë nuk përjashtohet edhe mundësia që lideri rus të ketë refuzuar që në fillim të konsumojë diçka të tillë, pra bukën dhe kripën simbol të mikpritjes, duke pasur parasysh edhe shqetësimet e tij dhe frikërat për shëndetit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat