“Sulmet e Rusisë po rrezikojnë të shkaktojnë një katastrofë nukleare dhe radioaktive”

Bota

“Sulmet e Rusisë po rrezikojnë të shkaktojnë një katastrofë nukleare dhe radioaktive”

Më: 24 nëntor 2022 Në ora: 15:35
Foto ilustrim

Rusia mund të kishte shkaktuar një “katastrofë bërthamore dhe radioaktive” me sulmet e saj pas të cilave të gjithë termocentralet bërthamore të Ukrainës u shkëputën nga rrjeti elektrik për herë të parë në 40 vjet.

Kjo sipas shefit të energjisë bërthamorë të Ukrainës.

Agjencia e lajmeve Reuters raporton se Petro Kotin, kreu i kompanisë së energjisë bërthamore Energoatom, tha se stacioni i madh i energjisë bërthamore në rajonin e Zaporizhzhia të Ukrainës jugore, i cili ka qenë jashtë funksionit që nga shtatori, ishte shkëputur gjithashtu nga rrjeti të mërkurën dhe arriti të funksiononte falë rezervave nga gjeneratorët me naftë.

Ai shtoi se uzina e Zaporizhzhia-s, e cila u pushtua nga forcat ruse menjëherë pasi Rusia pushtoi Ukrainën nëntë muaj më parë, ishte rilidhur në rrjet deri të enjten në mëngjes dhe se gjeneratorët rezervë ishin fikur.

Deklarata: “Ekziston një rrezik real që të shkaktohet një katastrofë bërthamore dhe rrezatimi nga sulmet në të gjithë territorin e Ukrainës me raketa lundrimi dhe balistike ruse dhe një rrezik i madh për dëmtimin e centraleve bërthamore. Rusia duhet të përgjigjet për këtë krim të turpshëm.”

Zyrtarët ukrainas thanë të mërkurën se tre termocentrale bërthamore në territorin e mbajtur nga forcat ukrainase ishin fikur pas valës së fundit të sulmeve me raketa ruse në objektet energjetike të Ukrainës.

Secila palë ka fajësuar tjetrën për bombardimin e kompleksit të uzinës Zaporizhzhia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat