Këshilli i Qytetit të Mariupolit, i cili tani po punon nga territori i kontrolluar nga ukrainas, dënoi të dielën vizitën e presidentit rus Vladimir Putin në qytetin e pushtuar nga Rusia.
“Krimineli ndërkombëtar Putin vizitoi Mariupolin e pushtuar”, tha këshilli në një postim në Telegram, shkruan CNN, përcjell “Bota sot”.
“Ai shikonte ‘rindërtimin e qytetit’… natën. Në fund të fundit, në errësirë nuk mund të shihni sa shtëpi të shkatërruara ka dhe ku ka mbetur një grumbull gurësh në vend të ndërtesave të larta”, thuhet në postim.
“Ai vizitoi edhe Filarmoninë e Mariupolit, një ndërtesë që mbijetoi. Aty ku fshiheshin civilët gjatë bombardimeve masive”, tha këshilli.
“Ata thonë se kriminelët tërhiqen nga vendi i krimeve të tyre. Mariupol është një gabim fatal i një diktatori gjakatar. Ai tregoi fytyrën e vërtetë të ‘botës ruse’, e cila është terrori dhe mizoria ruse”, vazhdoi postimi.
