LIVE: Ukraina e denoncon Rusinë si “shtet terrorist” në Gjykatën e OKB-së - SHBA ishte në dijeni për këtë plan të Ukrainës!

Ukraina e quajti Rusinë një shtet terrorist të martën në gjykatën më të lartë të OKB-së, ndërsa filloi procesi mbi mbështetjen e Moskës për separatistët pro-rusë, të fajësuar për rrëzimin e fluturimit MH17 të “Malaysian Airlines” më 2014.

Kjo ishte hera e parë që avokatët për Ukrainën dhe Rusinë ishin të pranishëm në Gjykatën Ndërkombëtare të Drejtësisë (GJND), e njohur gjithashtu si Gjykata Botërore, që kur Moska nisi sulmin në Ukrainë më 24 shkurt të vitit 2022. Në këtë proces janë dërguar ekipe ligjore me dhjetëra përfaqësues nga të dyja palët.

Një panel prej 16 gjyqtarësh në GJND filloi të dëgjojë pretendimin e Ukrainës se Moska shkeli një traktat të OKB-së kundër terrorizmit duke pajisur dhe financuar forcat pro-ruse që rrëzuan avionin, gjë që shkaktoi vdekjen e 298 pasagjerëve dhe ekuipazhit.

Ukraina i ka kërkuar gjithashtu gjykatës me seli në Hagë të urdhërojë Rusinë të ndalojë diskriminimin ndaj grupit etnik tatar në Krime, gadishulli ukrainas i pushtuar nga Rusia nga viti 2014.

Në fjalimin e tij, ambasadori ukrainas Anton Korynevych komentoi shkatërrimin e digës hidroelektrike ‘Nova Kakhovka’ që u bë të martën në territorin e kontrolluar nga Rusia, në rajonin e Khersonit, në jug të Ukrainës. Kievi thotë se Rusia hodhi në erë digën; Kremlini ka fajësuar atë që thotë se ishte sabotim ukrainas.

“Rusia nuk mund të na mposhtë në fushën e betejës, kështu që ajo synon infrastrukturën civile në përpjekje për të na nënshtruar”, tha zoti Korynevych gjatë seancës dëgjimore, duke i përshkruar veprimet e Rusisë si “veprime të një shteti terrorist”.

“Sot Rusia hodhi në erë një digë të madhe ..., duke shkaktuar evakuime të konsiderueshme civile, dëme ekologjike dhe duke kërcënuar sigurinë e termocentralit bërthamor të Zaporizhzhias”.

Rusia do të ketë mundësi për t'iu përgjigjur akuzave të Ukrainës të enjten. Moska është përpjekur ta hedh poshtë procesin, duke argumentuar se GJND nuk ka juridiksion.

RUSIA DËSHIRON TË “ZHDUKË UKRAINASIT”

Avioni me numër fluturimi MH17 u rrëzua nga një raketë e prodhuar nga Rusia më 17 korrik 2014 ndërsa përshkonte Ukrainën lindore, të kontrolluar nga separatistët pro-rusë.

Nëntorin e kaluar, një gjykatë holandeze dënoi dy rusë dhe një separatist ukrainas në mungesë për rolin e tyre dhe i dënoi me burgim të përjetshëm. Procesi zbuloi se Rusia kishte “kontroll të përgjithshëm” mbi forcat separatiste./VOA

Artikullin e plotë mund ta lexoni këtu

Një raport nga Washington Post ka zbuluar se SHBA kishte inteligjencë në lidhje me planin e Ukrainës për të sulmuar gazsjellësin Nord Stream tre muaj para se të bombardohej, përcjell Bota sot.

Duke cituar informacione të rrjedhura, Post raportoi se qershorin e kaluar, CIA mësoi se një ekip prej gjashtë personash i forcave të operacioneve speciale ukrainase synonte të hidhte në erë tubacionin e gazit midis Rusisë dhe Gjermanisë.

Shkatërrimi i digës Nova Kahovka në jug të Ukrainës tregon brutalitetin e luftës së Rusisë në Ukrainë, tha Sekretari i Përgjithshëm i NATO-s, Jens Stoltenberg.

“Shkatërrimi i digës Kahovka sot vë në rrezik mijëra civilë dhe shkakton dëme të mëdha në mjedis”, tha Stoltenberg në një postim në Twitter.

“Ky është një akt i egër, që tregon edhe një herë brutalitetin e luftës së Rusisë në Ukrainë”, shtoi ai.

Një zyrtar i lartë ukrainas i sigurisë tha se shkatërrimi i digës ishte një fazë e re e agresionit rus.

Oleksiy Danilov, sekretari i Këshillit të Sigurisë Kombëtare dhe Mbrojtjes së Ukrainës, tha se Rusia kishte kaluar nga përpjekja për të justifikuar pushtimin e saj në Ukrainë me ato që ai i quajti mite propagandistike, në shpalljen e hapur të qëllimeve të saj të vërteta — “shkatërroni Ukrainën, vrasin ukrainasit, shkatërrojnë ekonominë” dhe “strukturat e mbështetjes së jetës”.

Rusia më parë ka mohuar gjithmonë se ka shënjestruar civilët. Presidenti ukrainas Volodymyr Zelensky tha se forcat ruse hodhën në erë hidrocentralin Kahovka nga brenda.

“Në orën 02:50 të natës së sotme, terroristët rusë kryen një shpërthim të brendshëm të objekteve të HEC-it Kahovska. Rreth 80 vendbanime janë në zonën e përmbytjes”, ka shkruar ai në Telegram.

Shkatërrimi i digës nuk paraqet një kërcënim të drejtpërdrejtë për furnizimin me energji elektrike të vendit, njoftoi Ministria e Energjisë e Ukrainës.

“Shpërthimi… nuk ndikoi drejtpërdrejt në gjendjen e sistemit energjetik të vendit. Nuk ka kërcënime për stabilitetin e furnizimit me energji elektrike,” thuhet në deklaratë.

Energjia elektrike e prodhuar është e mjaftueshme për nevojat e konsumatorëve. 

Oleksandr Prokudin, guvernatori i Hersonit, rajon në lindje të Ukrainës, ka njoftuar për evakuimin e banorëve nga zonat e rrezikuara nga përmbytjet, pas raportimeve se forcat ruse shkatërruan një sigë të lumit Dnjepër në Nova Kahovka.

“Brenda pesë orëve, niveli i ujit do të arrijë një nivel kritik. Ka filluar evakuimi nga zonat e rrezikshme. Unë u bëj thirrje veçanërisht banorëve në bregun e majtë [të Dnjeprit]: bëni gjithçka që është e mundur për ta mbrojtur veten dhe për ta shpëtuar jetën tuaj. Largohuni menjëherë nga zonat e rrezikshme”, tha Prokudin në Telegram.

“Unë mund ta konfirmoj se shpërthimi [ka ndodhur]…. Të gjitha shërbimet janë duke punuar. Situata po monitorohet. Hidrocentrali u hodh në erë nga pushtuesit”, i tha Radios Evropa e Lirë Natalia Humenyuk, zëdhënëse ushtarake për forcat jugore të Ukrainës.

Oleksiy Danilov, sekretari i Këshillit ukrainas të Sigurisë Kombëtare dhe Mbrojtjes, tha se Presidenti Volodymyr Zelensky kishte thirrur një takim urgjent të Këshillit për ta diskutuar situatën.

Incidenti në në Herson pason mohimet nga Kievi për pretendimet e Rusisë se forcat e saj e kishin zmbrapsur një ofensivë të shumëfisht ukrainase në rajonin lindor të Donjeckut.

Kievi i hodhi poshtë këto pretendime, duke i quajtur atë një përpjekje për dezinformim ndërsa mohoi se kishte nisur kundërsulmin e shumëpritur për të rimarrë territorin e humbur që nga pushtimi i Moskës në shkurt të vitit 2022.

Megjithatë, Kievi tha më 5 qershor se forcat ukrainase po “kalonin në veprime sulmuese” në disa zona dhe po kryenin operacione në shkallë të vogël.

Pretendimi rus, i cili erdhi pasi Zelensky i kishte thënë mediumit amerikan Wall Street Journal dy ditë më parë se forcat ukrainase ishin gati për kundërsulm, nuk mund të verifikohej në mënyrë të pavarur nga Radio Evropa e Lirë dhe u mohua nga ushtria ukrainase.

Ushtria ukrainase tha se Rusia përdori video dhe fotografi të vjetra “si dhe materiale të tjera të rreme” në raportin e saj në lidhje me kundërsulmin e supozuar, në të cilin zyrtarët rusë thanë se Ukraina pësoi humbje të mëdha.

Më herët, më 5 qershor, Ministria ruse e Mbrojtjes lëshoi një video-deklaratë duke thënë se forcat ukrainase i sulmuan pesë pika në Donjeck duke përdorur gjashtë batalione të mekanizuara dhe dy tanke, por tha se sulmi i tyre “nuk pati sukses”.

Në deklaratë thuhej se shefi i Shtabit të Përgjithshëm rus, gjenerali Valery Gerasimov, e ka mbikëqyrur personalisht mbrojtjen ruse.

Gjenerali Oleksandr Syrskiy, komandanti i forcave tokësore të Ukrainës, tha më 5 qershor se forcat ukrainase vazhduan të përparojnë pranë Bahmutit, qytetit që ka qenë epiqendra e luftimeve disamujore për marrjen nën kontrollin të rajonit të Donjeckut. Por, ai nuk përmendi nisjen e një kundërofensive.

Vëmendja e luftës Rusi-Ukrainë është zhvendosur në Novaya Tavolzhanka në këto orë, një qytet me pak më shumë se 5 mijë banorë, i cili tashmë është bërë epiqendra e përleshjeve përgjatë kufirit mes dy vendeve.

Qyteti ndodhet përtej kufirit rus, disa kilometra nga Sebekino. Këtu, luftëtarët pro-Kiev-it thuhet se po bëjnë përparime të shpejta, ndonëse kundërshtohen nga rusët.

Këtë e demonstroi edhe një video, e publikuar të dielën në Telegram, nga Korpusi Vullnetar Rus, formacioni rus anti-Putin ndër më të angazhuarit në sulmet ndërkufitare. Aty shihet një ushtar i plagosur rus i mbuluar nga një batanije.

Në krah të tij disa milici të cilët kanë kërkuar, në këmbim të lirimit të dy ushtarëve rusë të kapur, një takim me guvernatorin e rajonit të Belgorodit, Vyacheslav Gladkov. Kjo situatë përshkruan më së miri rrjedhën e çuditshme dhe drejtimin e paditur që ka marrë lufta në Ukrainë.

Sulmet e Ukrainës

Që nga e diela pasdite, kanë qarkulluar një sërë videosh dhe imazhesh që tregojnë përleshje në rrugë. Këtë herë, megjithatë, jo në qytete ukrainase, por rusë. Luftimet e orëve të fundit kanë lejuar milicët pro-Kievit të përparojnë me disa kilometra.

Autoritetet lokale kanë ftuar qytetarët të evakuojnë zonën, burimet ruse kanë folur për të paktën 4000 njerëz të strehuar tashmë në zona më të sigurta të rajonit të Belgorodit. Novaya Tavolzhanka është kthyer kështu në një qytet fantazmë.Situata për momentin është konfuze: rusët po përpiqen të sulmojnë milicët pro-ukrainas, por një pjesë e Novaya Tavolzhanka nuk është në kontrollin e Moskës.

 Situatën e ndërlikuar për rusët, e ka treguar edhe videoja me të burgosurit rusë. Milicët pro-Kievit, në këmbim të lirimit të ushtarëve të Moskës, kanë kërkuar një takim me guvernatorin Gladkov brenda kishës së qytetit.  Në fillim Gladkov ishte pajtuar për takimin. Megjithatë, ai nuk u zhvillua kurrë. Të dielën vonë në mbrëmje, ishin vetë luftëtarët pro-ukrainas ata që njoftuan rezultatin negativ të negociatave.

“Më duket e kotë të flasësh me ta, janë frikacakë”, thuhet në një mesazh Telegram të milicëve. Në të njëjtin mesazh, u njoftua dorëzimi i të burgosurve rusë në duart e ukrainasve.

Robërit rusë

Inkursionet ukrainase në Belgorod mund të përfaqësojnë një devijim që synon të detyrojë rusët të dërgojnë përforcime në rajon, para kundërofensivës ukrainase.

Megjithatë, ka patur menjëherë reagime. Wagner, kompania private e Prigozhin, e angazhuar së fundmi në Bakhmut, ka bërë të ditur se janë gati të nisen drejt Belgorodit dhe të udhëheqin kundërsulmin kundër milicive pro-Kievit. Ai ka sulmuar ashpër ministrin e mbrojtjes të Rusisë Sergei Shoigu dhe shefin e ushtrisë Valery Gerasimov, duke i tallur dhe duke i nxitur që të shkojnë në vijën e frontit dhe të shohin dështimet e tyre. Sulmet e fundit të Prigozhin erdhën pak pasi mercenarët e tij kapën rob një nënkolonel nga forcat e Vladimir Putinit.

Në një video të publikuar prej tyre, shihet koloneli teksa rrëfen fajin e tij. Ai thotë se ka qenë i dehur në detyrë dhe ka qëlluar ndaj një makine të grupit Wagner.

Ushtari e identifikoi veten si Roman Venevitin, komandant i Brigadës 72 të Rusisë. Wagner njihet për ndëshkimet e rrepta ndaj “tradhtarëve”, por në këtë rast nuk ka asnjë sugjerim që koloneli rus do të përballet me të njëjtën masë.

Lufta civile

Një ekzekutim i një komandanti të lartë rus nga forcat Wagner do të shkaktonte kaos të paparë në Moskës. Rasti tregon edhe një herë përçarjen brenda forcave të Kremlinit që luftojnë kundër Ukrainës dhe disa analistë e shohin luftën civile si një mundësi reale në Rusi nëse Putini humbet luftën. Wagner është një nga disa ushtri private në Rusi.

Pavarësisht humbjeve të mëdha dhe ndalimit të rekrutimit të të burgosurve nga kolonitë penale të Rusisë, Prigozhin ende mendohet se ka deri në 60,000 burra në dispozicion të tij.

Udhëheqësi çeçen Ramzan Kadyrov kontrollon po ashtu një grup të tij të armatosur rëndë dhe gjigandi rus i energjisë Gazprom ka krijuar kompaninë e tij private ushtarake. Ndaj, nuk do të ishte çudi që në një Rusi kaq të përçarë, lufta kundër Ukrainës, të kthehet në një luftë kundër njëri-tjetrit.

Ministri i mbrojtjes i Ukrainës tha se vendi i tij do të heqë dorë nga avionët luftarakë F-16, por do të përdorë të gjitha pajisjet me bazë tokësore në kundërsulmin e tij të parashikuar gjerësisht kundër forcave ruse.

Oleksii Reznikov foli në një intervistë ekskluzive me NHK në Singapor, ku ai ishte bashkuar me zyrtarë të lartë të mbrojtjes nga vendet aziatike dhe perëndimore në një forum të madh të sigurisë.

Kur u pyet për avionët F-16 të lakmuar prej kohësh nga Ukraina, Reznikov tha se ata “nuk do të ndryshojnë lojën këtë verë”. Disa vende perëndimore janë duke trajnuar ose kanë ofruar të trajnojnë pilotët ukrainas për të fluturuar me avion.

Reznikov tha se do të duhet kohë për të trajnuar pilotët ukrainas dhe se Ukraina do të duhet gjithashtu të organizojë me partnerët e saj për të siguruar inxhinierë dhe teknikë që mund të mirëmbajnë dhe riparojnë avionët e sofistikuar.

Ai tha se Ukraina do të jetë gati të vendosë F-16 në vjeshtë ose dimër.

Reznikov refuzoi t’i përgjigjej një pyetjeje në lidhje me pikëpamjen se Ukraina kishte nisur “operacionet e formësimit”, të cilat përfshijnë sulme ndaj objekteve të magazinimit të armëve dhe bazave të tjera logjistike për t’u përgatitur për kundërofensivë.

Ai tha se do të ishte e çuditshme që ai si ministër i mbrojtjes të diskutonte për operacionet e formësimit, sepse ato duhet të diskutohen nga gjeneralët.

Britania duhet të përgatitet për sulme të drejtpërdrejta nga Rusia ose agjentët e saj, kështu kanë paralajmëruar ekspertët e sigurisë në vend.

Javën e kaluar ish-presidenti rus Dmitry Medvedev pretendoi se politikanët e Mbretërisë së Bashkuar tani janë objektiva legjitime ushtarake për Moskën. Sulmet gjithashtu mund të variojnë nga sabotimi i infrastrukturës kritike deri te sulmet radiologjike ose kimike.

Burimet e Marinës Mbretërore tashmë dyshojnë se Rusia qëndron pas prerjes së kabllove të komunikimit nënujor në ishujt Shetland vitin e kaluar.Kërcënimet e fundit nga Dmitry Medvedev, një mik i Putinit që është nënkryetar i Këshillit të Sigurimit të Rusisë, pasuan pohimet e Sekretarit të Jashtëm James Cleverly se Ukraina ka të drejtë të projektojë forcë "përtej kufijve të saj".

Keir Giles, një ekspert i Rusisë në grupin e ekspertëve Chatham House dhe autor i " Lufta kundër të gjithëve" të Rusisë, beson se Britania ka qenë prej kohësh një objektiv i Kremlinit.

Ai tha: “Ky s’është një kërcënim i ri. Rusia ka kërkuar për një kohë të gjatë të shfrytëzojë dobësitë e Mbretërisë së Bashkuar dhe, në një farë mase ka pasur sukses për shkak të mosgatishmërisë tradicionale të Mbretërisë së Bashkuar për të njohur dhe trajtuar këto kërcënime.”

Dyshohet se Putini mund t'i kthehet së shpejti një taktike të Luftës së Ftohtë, duke gjetur grupe iraniane për të vepruar në Mbretërinë e Bashkuar. Sakaq, presidenti ukrainas Volodymyr Zelensky ka thënë se është gati të nisë ofensivën e shumëpritur për të rimarrë territorin e pushtuar nga Rusia.

Ai tha: “S’e di sa do të zgjasë dhe mund të shkojë në mënyra të ndryshme, por ne do ta bëjmë atë dhe jemi gati.”

Moska deklaron se ka “zmbrapsur një ofensivë në shkallë të gjerë” nga forcat ukrainase në Donetsk, të aneksuar nga Rusia, ndërkohë që luftimet u intensifikuan përgjatë kufirit.

Kievi ka përgatitur një “kundërofensivë të madhe” prej muajsh, duke shpresuar të rikuperojë territorin e humbur që nga ajo kohë. Rusia nisi operacionin e saj ushtarak në shkurt 2022.

Ushtria e Kievit tha kohët e fundit se nuk do të kishte njoftim për fillimin e manovrave.

Ministria ruse e Mbrojtjes raportoi se dje, në jug të Donjeckut, “Armiku ka nisur një ofensivë në shkallë të gjerë në pesë sektorë.

Lufta po merr një kthesë sensacionale. Ukraina, në fakt, po përparon në territorin rus. Pas sulmeve me dronë në Moskë (për të cilat Kievi mohon përgjegjësinë), ato në rajonin kufitar rus të Belgorodit, goditën disa herë ditët e fundit dhe në trojet e partizanëve ukrainas të "Legjionit të Lirisë".

Mësohet se partizanët ukrainas kanë hyrë në lagjen Shebekino, në Belgorod, në kufi me Ukrainën.  Zhvillimii i bujshëm u njoftua në Telegram nga Legjioni i Lirisë së Rusisë. Kjo ka bërë që lideri rus të frikësohet gjithnjë e më shumë për jetën e tij.

Në një raport që shtë zbuluar së fundmi, lideri rus është aq i shqetësuar dhe i frikësuar për një atentat të mundshëm ndaj tij, si rezultat i pushtimit të Ukrainës, saqë refuzon edhe të udhëtojë jashtë vendit, sipas Business Insider. Burimi, që citon “Verstka” dhe thuhet se është një zyrtar i lartë rus, thotë se në "prapaskenat e Kremlinit" është krijuar përshtypja se Putini e mendon shumë gjatë kur bëhet fjalë për të udhëtuar kudo dhe se ai "nuk ndihet i sigurt".

Sipas raportimeve, ngjarjet e fundit kanë rritur paranojën e presidentit rus. Midis arsyeve që e frikësojnë është edhe një urdhër-arresti i lëshuar në mars nga Gjykata Penale Ndërkombëtare në Hagë (ICC) me akuza për krime lufte, deportim të fëmijëve nga Ukraina në Rusi, dhe sulmet misterioze me dron pranë Moskës dhe në zemër të Kremlinit.

Ka edhe akuza kundër grupit Wagner dhe shefit të tij Yevgeny Prigozhin, se ata po planifikojnë një grusht shteti kundër Putinit

Paranojat e Putinit

Sulmet me dronë goditën së fundmi një periferi të kryeqytetit rus ku jetojnë qytetarë të profilit të lartë të shoqërisë dhe Kremlini tha se shumica e dronëve u kapën nga sistemet e mbrojtjes ajrore.

 Një burim zbuloi për mediat ruse se Putin ishte në rezidencë në momentin e sulmit dhe u zgjua nga zyrtarët e sigurisë dhe se ky ishte një atentat i qëllimshëm ndaj liderit rus. Edhe fakti që ukrainasit janë futur në territorin rus, kanë shtuar frikën e Putinit.

Guvernatori i Bolgorodit, Vyacheslav Gladkov, i ka kërkuar popullatës të braktisin shtëpitë dhe të largohen: "Largohuni përkohësisht nga shtëpitë, është më e rëndësishme, jeta juaj dhe familjarëve”, tha ai në Telegram. Frika e presidentit rus, shtohet edhe nga paralajmërimet ukrainase se kundërofensiva do të nisë shpejt dhe do të ndryshojë gjithçka.

Philip Ingram, një ish-oficer i inteligjencës ushtarake britanike, i tha “Business Insider” se Putin sa vjen dhe më shumë izolohet, sidomos pas pandemisë Covid-19. Ngjarjet e fundit, thotë ai, "do të vazhdojnë të rrisin paranojën e tij, kështu që ai do të vazhdojë të marrë masa gjithnjë e më të forta sigurie për të izoluar edhe më shumë veten."

Ingram thotë se këto masa sigurie përfshijnë përdorimin e sozive dhe kontrollet e ushqimit, përpara se t'i shërbehet, me frikën se mund të jetë i helmuar. "Truprojat e tij janë besnikë deri në atë pikë sa mund të bëjnë gjithçka për të”, shton ish-oficeri.

Izolimi dhe kontrollet

Komentet e Ingram i bëjnë jehonë atyre të ish-zyrtarit të sigurimit të Kremlinit, Gleb Karakulov, i cili u largua nga Rusia në prill për shkak të kundërshtimit të tij ndaj luftës në Ukrainë. Në një intervistë me uebsajtin investigativ rus “Dossier Center”, ai foli për izolimin dhe paranojën në rritje të Putinit. Ai tha se Putin udhëton në një tren të blinduar dhe se nuk përdor as internetin.

Ingram thekson se një grup bashkëpunëtorësh të ngushtë i japin Putinit informacione jo të vërteta, që natyrisht e bën atë të marrë vendime të gabuara. Dhe kjo sipas Ingram, "do të thotë se ai është në një pozicion ku, nëse i paraqitet vetëm ajo që dëshiron të dëgjojë, vendimmarrja e tij do të jetë vazhdimisht e më e gabuar." Ingram thekson se gabimet e Putinit gjatë pushtimit të Ukrainës, janë pikërisht shembuj të kësaj.

Putini pritej të merrte pjesë në takimet e samitit në Indi këtë verë, si dhe në samitin e BRICS në Afrikën e Jugut në gusht, por mediat lokale thanë se pjesëmarrja e tij ishte në pikëpyetje për shkak të shqetësimeve rreth urdhër-arrestit të ICC-së. Reuters raportoi se zyrtarët e Afrikës së Jugut madje po konsideronin zhvendosjen e samitit në Kinë, prej tij.

Ingram thekson se Putin dëshiron të prezantohet si një "burrë shteti ndërkombëtar" me peshë në skenën globale. Por frika nga atentati dhe ndjenja e paranojës kanë filluar ta shkatërrojnë atë imazh.