Merkel mbështet vendimin e Papës - Bota Sot
Merkel mbështet vendimin e Papës

Bota

Merkel mbështet vendimin e Papës

Më: 11 shkurt 2013 Në ora: 17:26

Kancelarja gjermane, Angela Merkel, ka thënë se mbështet vendimin e Papa Benedictit XVI për të dhënë dorëheqje.

Ajo ka thënë se është e kuptueshme që Papa përballet me barrën e moshës së vjetër, “në një epokë kur njerëzit jetojnë gjatë e më gjatë”.

"Kur Joseph Ratzinger është zgjedhur në krye të Kishës Katolike gati tetë vjet më parë, ne në Gjermani kemi qenë krenarë që një vendas i yni, i pari në disa shekuj, do të mbajë postin e Papës. Ne i kemi dëshiruar të gjitha të mirat në këtë detyrë. Por, nëse Papa ka ardhë në përfundim se nuk e ka fuqinë për të kryer detyrat e tij, atëherë ai ka respektin tim maksimal”, ka thënë Merkel.

Në vitin 2005, ish-kardianli i Gjermanisë, Joseph Ratzinger, është bërë njëri nga papët më të vjetër në histori, duke qenë 78 vjeç.

Papa Benedicti XVI ka njoftuar sot se do të japë dorëheqje më 28 shkurt, për shkak të moshës së shtyrë.

Kjo është hera e parë që një papë jep dorëheqje në gati 600 vjet.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...