Natën e kaluar në Komandën Qendrore të SHBA-së, Sekretari amerikan i Mbrojtjes Pete Hegseth, admirali i Komandës Qendrore Brad Cooper dhe Presidenti Donald Trump mbajtën një konferencë informuese mbi operacionet e SHBA-së kundër Iranit.
Hegseth tha se “sasia e fuqisë së zjarrit mbi Iranin dhe mbi Teheranin do të rritet ndjeshëm”.
Ai shtoi se vendimi i Mbretërisë së Bashkuar për t’i lejuar SHBA-së të përdorë bazën ushtarake Diego Garcia do ta ndihmojë Uashingtonin të intensifikojë sulmet. shkruan BBC transmeton "Bota sot".
“Ishte për të ardhur keq që britanikët nuk thanë që nga dita e parë: ‘Hej, vazhdoni dhe keni qasje,’” tha Hegseth. “Por më në fund arritëm aty.”
Ndërkohë, Kryeministri Sir Keir Starmer tha se Mbretëria e Bashkuar po dërgon edhe katër avionë luftarakë Typhoon për t’iu bashkuar skuadriljes britanike në Katar. Sipas kryeministrit, Mbretëria e Bashkuar i ka lejuar SHBA-së të përdorë bazat britanike “për të kryer operacione mbrojtëse”.
