Ushtria amerikane ka bërë me dije se ka vrarë tre “terroristë” që sipas saj pretendohet se po trafikonin drogë, me një anije diku në Paqësorin Lindor.
Sulmi i cili u quajt “vdekjeprurës kinetik” u krye më 5 maj, me urdhër të komandantit të Komandës Jugore të Ushtrisë Amerikane (SOUTHCOM) gjeneralit Francis L. Donovan, ndërsa u realizua nga Forca e Përbashkët Operative “Southern Spear”.
“Inteligjenca konfirmoi se anija po lëvizte përgjatë rrugëve të njohura të trafikimit të narkotikëve në Paqësorin Lindor dhe ishte e përfshirë në operacione të trafikimit të drogës”, thuhet në një njoftim të SOUTHCOM, përcjellë KosovaPress.
Sipas njoftimit, “tre narko-terroristë meshkuj u vranë gjatë këtij aksioni”.
Po ashtu, Departamenti i Luftës bëri me dije se asnjë pjesëtar i forcave ushtarake amerikane nuk u lëndua në këtë sulm.
Rastet kur forcat amerikane sulmojnë anije që supozohet se janë përfshirë në operacione të trafikimit të drogës janë shtuar muajve të fundit.
