Rusia dhe Britania përplasen për Srebrenicën - Bota Sot
Rusia dhe Britania përplasen për Srebrenicën

Bota

Rusia dhe Britania përplasen për Srebrenicën

Më: 8 korrik 2015 Në ora: 18:59

Duke folur në seancën e Këshillit të Sigurimit e cila filloi pas një minut heshtjeje për të kujtuar viktimat e Srebrenicës, ambasadori rus në OKB, Vitaly Chiurkin ka thënë se teksti i rezolutës “nuk është konstruktiv, është konfrontues dhe është i motivuar politikisht”.

Ai ka thënë se serbët e Bosnjës padrejtësisht janë akuzuar se kanë kryer krime lufte.

“Draft-rezolita që kemi para nesh nuk do të ndihmojë për paqe në Ballkan, por përkundrazi do të ngrisë tensione në këtë rajon”, ka shtuar ai.

Zëvendësambasadori britanik Peter Wilson e ka akuzuar Moskën se anon në grupin e vendeve që “nuk janë të gatshme të pranojnë faktet”.

“Veprimet e Rusisë shkatërrojnë kujtimin e të gjithë atyre që vdiqën në gjenocidin e Srebrenicës”, ka thënë ai.

Rusia ka vendosur veto për draf-rezolutën e Kombeve të Bashkuara e cila dënon masakrën e vitit 1995 në Srebrenicë dhe e quan “krim të gjenocidit”.

Mospajtimet me tekstin e rezolutës ringjallën ndarjen që prej luftërave në Ballkan, kur Rusia ishte në anën e serbëve të Bosnjes dhe Serbisë, ndërkaq vendet perëndimore mbështesnin myslimanët e Bosnjes dhe Kroacisë.

Në draft-rezolutën e Britanisë, thuhej se “pranimi i ngjarjeve tragjike të Srebrenicës si gjenocid është parakusht për pajtim”.

Në favor të kësaj rezolute kanë votuar 10 shtete, ndërkaq përveç vetos së Rusisë, 5 shtete të tjera kanë abstenuar.

Më 11 korrik 1995 në Srebrenicë janë vrarë afro 8,000 burra dhe djem myslimanë nga forcat serbe.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...