Lavrov dhe Kerry pajtohen për nevojën e armëpushimit në Siri - Bota Sot
Lavrov dhe Kerry pajtohen për nevojën e armëpushimit në Siri

Bota

Lavrov dhe Kerry pajtohen për nevojën e armëpushimit në Siri

Më: 10 shkurt 2016 Në ora: 15:44

Ministria e jashtme e Rusisë tha sot se ministri i jashtëm rus, Sergei Lavrov, dhe sekretari amerikan i shtetit, John Kerry, kanë biseduar me telefon lidhur me Sirinë.

Ministria ka njoftuar se Lavrov dhe Kerry janë pajtuar për nevojën e armëpushimit në Siri dhe për dërgimin e ndihmës humanitare në territoret e bllokuara.

Nesër në Munih, sekretari Kerry dhe ministri Lavrov do të takohen me ministrat e jashtëm të Evropës dhe Lindjes së Mesme, në përpjekje për përfundimin e luftës tashmë pesëvjeçare në Siri.

Bisedimet për paqe në Siri të ndërmjetësuara nga Kombet e Bashkuara ndërmjet qeverisë së Sirisë dhe opozitës, javën e kaluar në Gjenevë të Zvicrës, janë shkatërruar pas ofensivës së forcave lojale ndaj presidentit sirian, Bashar al-Assad, që mbështetet nga sulmet ajrore të Rusisë, kundër kryengritësve që përkrahen nga perëndimi.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...