Putin thotë se Sllovenia është vend "i mrekullueshëm" për takim me Trumpin - Bota Sot
Putin thotë se Sllovenia është vend "i mrekullueshëm" për takim me Trumpin

Bota

Putin thotë se Sllovenia është vend "i mrekullueshëm" për takim me Trumpin

Më: 10 shkurt 2017 Në ora: 19:34
Presidenti i Rusisë, Vladimir Putin.

Presidenti i Rusisë, Vladimir Putin, tha se do të ishte i lumtur të mbante takimin e parë me presidentin e Shteteve të Bashkuara, Donald Trump, në Slloveni, porse ka shumë faktorë që ndikojnë vendimin për vendtakimin.

Putin i bëri këto komente të premtën, pasi presidenti i Sllovenisë, Borut Pahor, ofroi kryeqytetin e tij, Lubjanën, si vend potencial për takimin Trump-Putin.

Sllovenia "është vend i mrekullueshëm për bisedime të tilla. Por, nuk varet vetëm nga ne, varet nga disa rrethana", tha Putin pas takimit me Pahorin në Moskë.

Edhe Putin, edhe Trump kanë thënë se shpresojnë të përmirësojnë marrëdhëniet midis dy vendeve, të cilat janë tendosur pas ndërhyrjes së Rusisë në Ukrainë dhe çështje të tjera.

Dy presidentët kanë folur në telefon më 28 janar, por data e takimit nuk është caktuar ende.

Zonja e Parë e SHBA-së, Melania Trump, vjen nga Sllovenia.

Sllovenia ka qenë vendi i takimit të parë të Putinit me ish-presidentin amerikan, George W. Bush, në vitin 2001.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...