Sekretari i Përgjithshëm i OKB-së, Antonio Guterres i kërkoi sot të gjitha palëve të përfshira në konfiktin koreano-verior për të promovuar “dialogun”, gjatë një takimi të shkurtër në Korenë e Jugut me kreun zyrtar të delegacionit koreano-verior, Kim Yong Nam, sipas një zëdhënësi.
Ai zhvilloi një bisedë të shkurtër me Kim Yong Nam, kreun zyrtar të delegacionit koreano-verior në Lojërat Olimpike të Pyeongchang, gjatë darkës së organizuar përpara ceremonisë së hapjes së Lojërave Olimpike dimërore.
Ai i rikonfirmoi pritshmëritë dhe shpresat që të gjitha palët t’i drejtohen frymës së dialogut për arritjen e denuklearizimit të gadishullit korean, saktësoi zëdhënësi.
Zëvendëspresidenti amerikan, Mike Pence nuk mori pjesë në darkën e organizuar ku sipas axhendës ishte planifikuar të ulej në të njëjtën tryezë me presidentin koreano-jugor dhe kreun e delegacionit të Veriut, Kim Yong Nam.
