Që nga viti 2016 kur u mbajtën zgjedhjet e fundit në SHBA çarkullojnë zëra çdo ditë se Rusia ka ndërhyrë në procesin zgjedhor kështu duke ndërhyrë edhe në rezultatin e zgjedhjeve.
Shteti amerikan ka ndërmarrë masa dhe presidenti Trump së bashku me republikanët e tij kanë bërë hapat e duhur për të mbrojtur procesin zgjedhor që do të mbahet në nëntor.
Zyrtarë amerikanë të inteligjencës patën kërkuar që t’i kushtohet vëmendje e shtuar procesit zgjedhor afatmesëm të zgjedhjeve të nëntorit pasi janë “nën sulm” nga shtetet e tjera. Madje edhe presidenti Trump ka qenë publikisht skeptik për ndërhyrjen ruse në zgjedhjet e 2016-tës, transmeton lajmi.net
Zyrtarët e SHBA-së kanë përshkruar synimin për ndikim në zgjedhjet e SHBA-ve si një përpjekje të radhës që Moska përdorë në vazhdën e përpjekjeve propagandistike të shtetit rus për të ndikuar sa më shumë në Amerikë.
Që nga viti 2016 pothuajse 50 shtete kanë blerë pajisje më të sigurta për të përmirësuar sigurinë ndaj sulmeve të mundshme kibernetike në mënyrë që të evitohen ndikimet nga jashtë në politikat e brendshme.
Tani edhe zyrtarisht SHBA-të janë duke u bërë gati për zgjedhjet afatmesme të nëntorit dhe njëra nga çështjet më të rëndësishme është që të sigurohet sistemi elektronik shtetëror për të evituar ndikimet nga jashtë.
