Para tetë viteve është kryer shkëmbimi i madh i spiunëve në mes të SHBA, Britanisë së Madhe dhe Rusisë. Në mesin e tyre ishin edhe Sergej Skripal e Anya Chapman.
Sot ish-spiuni rus Sergei Skripal, lufton me vdekjen pasi që është helmuar me substancën e panjohur në qytetin Salisbury në perëndim të Anglisë.
Rusia, për dhjetë spiunë, në mesin e të cilëve ishte Anya Chapman i dha Shteteve të Bashkuara katër rusë që ishin në burgjet e tyre, e që ishin spiun në shërbim të Perëndimit.
Emri i vërtetë i Anya Chapman ishte Anna Kushchyenko, vajza e një ish zyrtari të lartë të KGB’së
Në mesin e tyre ishte edhe Sergei Skripal (66), i cili ishte kolonel në ushtrinë ruse, zyrtar i lartë i GRU, e më pas ka punuar në Ministrinë e Punëve të Jashtme në ditët e akosit pas rënies së komunizmit.
Mirëpo, në vitin 2004 ai është arrestuar me akuzën se ka shitur identitetin e agjentëve sekret rus në Evropë pranë shërbimit sekret britanik MI6.
Shërbimi sekret rus, FSB, e ka kapur duke dërguar informacione përmes një pajisje të fshehur në një gurë fallco në një nga parqet moskovite.
Në momentin e arrestimit, ai është shpallur “spiun me çantën “Louis Viton” sepse ishin publikuar fotot e tij me çantën e shtrenjtë në aeroport, ku po shkonte të takoj agjentët e huaj, shkruan “Daily mail”.
Ai e pranoi se MI6 e ka rekrutuar që në vitin 1995 dhe se i ka dhënë informacione, duke marrë me këtë rast rreth 100.000 euro për shërbimet e tij.