Afganistan: Dhjetëra të vrarë nga sulmet vetëvrasëse në një xhami

Bota

Afganistan: Dhjetëra të vrarë nga sulmet vetëvrasëse në një xhami

Më: 3 gusht 2018 Në ora: 20:24
Foto ilustrim

Policia afgane thotë se të paktën 25 persona janë vrarë nga sulmet vetëvrasëse me bomba në një xhami shiite në lindje të Afganistanit.

Rez Mohmammad Mandozai, shef i policisë në provincën Paktia, tha se dy sulmues vetëvrasës shpërthyen eksplozivët e tyre brenda xhamisë në kryeqytetin e provincës Gardez, pasi kishin vrarë dy zyrtarë të sigurisë që gjendeshin në hyrje të xhamisë.

Mandozai tha se sulmuesit vetëvrasës ishin maskuar duke veshur burka. Sipas tij, të paktën 40 persona të tjerë janë plagosur në këto sulme, njofton rel.

Sulmet vetëvrasëse ndodhën pas Lutjeve të së Premtes.

Askush deri më tani nuk e ka marrë përgjegjësinë për këto sulme, por sulme të ngjashme, në të kaluarën kanë kryer militantët e Shtetit Islamik.

commentFirst article
Sot mund të lexoni Shfletoni kopertinat