Vrasja e Caruana Galizia: Armiqtë ia vranë gazetares nga Malta edhe qentë - Bota Sot
Vrasja e Caruana Galizia: Armiqtë ia vranë gazetares nga Malta edhe qentë

Bota

E shtunë, 20 tetor 2018

Vrasja e Caruana Galizia: Armiqtë ia vranë gazetares nga Malta edhe qentë

Më: 9 gusht 2018 Në ora: 21:29
Ilustrim

Familja e gazetares nga Malta e cila njihet për raportimet e saja anti-korrupsion, Daphne Caruana Galizia, po kërkon një hetim të pavarur publik, sepse ajo kishte vuajtur vite të tëra të frikësimit.

Ajo u vra nga një bombë në makinën pranë shtëpisë së saj në tetor të vitit të kaluar. Ajo shkruante në blogun e saj gjerësisht për politikanët kryesorë të vendit dhe aferat e tyre korruptive.

Një nga djemtë e saj, Paul, tha se tre qenët e saj u vranë dhe kishte po ashtu përpjekje për të djegur shtëpinë e gazetares.

"Qentë tanë të përkëdhelur u vranë - u helmuan, u përplasën në fyt, u helmuan përsëri," tha ai.

"Ne u rritëm me këtë dhe nuk ishte sekret se nëna ime mori këto kërcënime," i tha Paul BBC-së.

Avokatët e familjes e cila jeton në Londër, i kanë parashtruar kërkesat e tyre në një dokument ligjor, të paraqitur në qeverinë malteze të enjten.

Malta ka thënë në mënyrë të përsëritur se po bën gjithçka që është e mundur për t'i sjellë vrasësit në drejtësi.

Tre të dyshuar - vëllezër George dhe Alfred Degiorgio dhe miku i tyre Vince Muscat - u arrestuan gjatë një operacioni policor në dhjetor.

Ata u akuzuan për vrasje dhe u deklaruan jo fajtorë në një seancë gjyqësore. Ata ende gjenden në paraburgim. 

Shfaq komentet
comments powered by Disqus
Sot mund të lexoni Shfletoni kopertinat
Sondazh
test