Presidenti turk Rexhep Tajip Erdogan ka akuzuar Amerikën për “grushtin ekonomik” pasi që monedha e vendit po lëkundet pas sanksioneve ekonomike të SHBA.
“Ne nuk do t’u dorëzohemi atyre që veprojnë si një partner strategjik, por na bëjnë objektiv strategjik”, thotë Presidenti.
Erdogan u tha mijëra përkrahësve në Ankara: “Sot disa njerëz po përpiqen të na kërcënojnë përmes ekonomisë, nëpërmjet normave të interesit, këmbimit valutor, investimeve dhe inflacionit”.
Turqisë i është trazuar ekonomia këtë javë pasi Uashingtoni i ka vënë sanksione duke përfshirë dyfishimin e tarifave mbi alumin dhe çelik – në hakmarrje për refuzimin e Erdoganit për lirimin e një pastori amerikan të arrestuar.
Ndërsa të dy vendet janë përplasur, vlera e lirës ka rënë: ajo tani ka rënë 38 për qind kundrejt dollarit që nga fillimi i vitit.
