Entuziazëm për marrëveshjen e tregtisë së lirë SHBA – Britani

Bota

Entuziazëm për marrëveshjen e tregtisë së lirë SHBA – Britani

Më: 22 gusht 2018 Në ora: 21:58
Mike Pompeo priti të mërkurën në mëngjes Jeremy Hunt

Administrata amerikane e Donald Trump shfaqi një entuziazëm të vërtetë ndaj idesë për një marrëveshje të tregtisë së lirë mes Britanisë së Madhe dhe SHBA-së menjëherë pas Brexit, vlerësoi sot shefi britanik i diplomacisë në përfundim të një vizite në Uashington.

“Bisedimet tona kanë treguar një entuziazëm të vërtetë nga ana e administratës amerikane, duke filluar nga presidenti, për arritjen e një marrëveshje të këmbimit të lirë amerikano-britanik sa më shpejt të jetë e mundur pas daljes nga Bashkimi Evropian. Kjo do të jetë në përfitim të sipërmarrjeve nga të dyja anët e brigjeve të Atlantikut”, tha Jeremy Hunt.

Në një deklaratë diskrete, sekretari amerikan i Shtetit, Mike Pompeo që priti të mërkurën në mëngjes Jeremy Hunt, konfirmoi se ka përshëndetur bashkë me homologun e tij perspektiven e një marrëveshje të ardhshme të tregtisë së lirë. 

commentFirst article
Sot mund të lexoni Shfletoni kopertinat