Parlamenti Evropian (PE) kërkoi embargo kundër Arabisë Saudite, pas vrasjes së gazetarit Jamal Khashoggi.
Gazetari i “Uashington Post” dhe një kritik i ashpër i regjimit saudit, u vra brenda konsullatës së Arabisë Saudite në Stamboll, në të cilën hyri në 2 tetor.
Riadi pranoi të shtunën vdekjen e gazetarit, duke pasuar reagime të ashpra botërore, por premtoi një hetim të thellë.
Kryeprokurori i Arabisë Saudite, deklaroi sot se të dyshuarit kishin “vepruar me qëllime paramenduese”.
Parlamenti Evropian kërkoi sot një “hetim ndërkombëtar të paanshëm për vdekjen e tij dhe që përgjegjësit të dalin para drejtësisë”.