Kryeministri i Pakistanit, Imran Khan, bëri thirrje për qetësi pas protestave të dhunshme që shkaktoi vendimi i Gjykatës Supreme në këtë vend për të liruar nga dënimi me vdekje një grua të krishterë, të akuzuar për blasfemi.
Khan fajësoi ekstremistët fetarë për dhunën.
"Ata po ju nxisin për përfitimet e tyre politike, nuk duhet të bllokoheni nga ta, ata nuk po i bëjnë asnjë shërbim Islamit", tha Khan në një transmetim televiziv.
"Ne do të mbrojmë jetën dhe pronën e njerëzve, nuk do të lejojmë asnjë sabotazh", tha ai.
Gjykata Supreme në Pakistan e hodhi poshtë ndëshkimin për Asia Bibin, e cila u a arrestua dhe u dënua me vdekje në vitin 2010 për blasfemi.
Është thënë se Bibi gjatë një zënke me disa gra fqinje ka bërë komente ofenduese për Profetin Muhamed.
Lirimi i saj shkaktoi protesta të dhunshme nga komuniteti mysliman në Pakistan, i cili bën thirrje për ekzekutimin e Bibit dhe të gjyqtarit që e liroi atë.
Për më shumë lexoni këtë: Përmbyset dënimi me vdekje për pakistanezen e krishterë
