Serbia nuk po e kapërdin humbjen e pësuar ndaj Zvicrës, me golat e shënuar nga dy futbollistët me gjak shqiptar Granit Xhaka dhe Xherdan Shaqiri.
Pasi kanë përfunduar në qendër të shënjestrës së Komisionit të Disiplinës së FIFA, për komentet e bëra në fund të ndeshjes dhe për sjelljen e tifozëve të tyre, zyrtarët e Federatës Serbe të Futbollit janë kundërpërgjigjur duke prezantuar një reklamim zyrtar për gjyqtarin Felix Brych, ku titulli i dosje ishte “gjykim i njëanshëm.”
Në një deklaratë të publikuar në rrjetet sociale njerëzit nga Beogradi shkruanin: “Kemi shtatë episode të paraqitur me pamje filmike ku vihet re tendenca e gjyqtarit Brych për të favorizuar Zvicrën, duke dënuar ekipin tonë kombëtar. Rasti më i bujshëm është penallti e mohuar nga Aleksandar Mitrovic.”
