Giroud me asnjë goditje drejt portës shpallet kampion i botës - Bota Sot
Giroud me asnjë goditje drejt portës shpallet kampion i botës

Botërori 2018

E martë, 23 tetor 2018

Giroud me asnjë goditje drejt portës shpallet kampion i botës

Më: 16 korrik 2018 Në ora: 09:32
Olivier Giroud, Franca

Franca arriti të shpallej kampione e Botës, por me gjithë rekordet që vendosën disa prej protagonistëve francezë, kishte edhe një që mund të cilësohet si negativ.

Sulmuesi kryesor i “gjelave”, Olivier Giroud, edhe pse ishte pika kryesore e Francës në repartin ofensiv, u shpall kampion bote pa shënuar asnjëherë, por akoma më keq… pa goditur të paktën një herë portën.

Giroud, në total, në shtatë ndeshjet e zhvilluara luajti 564 minuta, por nuk gjuajti asnjëherë kuadratin e portës.

Ai u përpoq plot 13 herë për të goditur, por asnjë prej gjuajtjeve të sulmuesit të Chelseat nuk shkoi në kuadrat.

Gjithsesi, Giroud e kishte të qartë detyrën e tij në fushë, dhe duket se arriti ta bënte mjaft mirë, duke ndihmuar edhe dy sulmuesit e tjerë, Griezmann dhe Mbappe, që të dy shënuan nga 4 gola secili.

Më të lexuarat
Sot mund të lexoni Shfletoni kopertinat
Sondazh
test