Për të tretën herë prokuroria italiane ka rihapur çështjen gjyqësore të ish-çiklistit Marco Pantani, i gjetur i vdekur më 14 shkurt 2004, në një hotel në Rimini.
Bëhet fjalë për një dosje ku do të hetohet për vrasje, ku autori është ende i panjohur.
Kjo dosje ishte mbyllur për herë të dytë në vitin 2019, pas shtyrjes nga ana e komisionit parlamentar antimafia. Lajmin e rifillimit së hetimeve e konfirmoi edhe avokari i familjes Pantani, Fiorenzo Alessi.
Për herë të parë kjo dosje u mbyll në vitin 2016 e më pas në vitin 2019. Mediat italiane bëjnë me dije se kohët e fundit, prokuroria ka dëgjuar të tjera dëshmi nga ana e nënës së Pantani.
Marco Pantani, i njohur me nofkën “pirati” ëshë një nga ikonat e sportit të çiklizmit, fitues i Turit të Francës dhe Xhiros së Italisë.
