Ish-kampionia e botës në çiklizëm, Becky James, ka vendosur të pensionohet në moshën 25-vjeçare, një vit pas fitimit të dy medaljeve të argjendta olimpike, në Lojërat Olimpike të Rio-s në Brazil.
Vendimi i uellsianes shihet si një goditje shumë e madhe e shpresave të britanikëve për Olimpiadën e Tokios, pasi kampionia e botës për vitin 2013, ishte shpresa më e madhe për medalje në çiklizëm.
“Kam dhënë gjithmonë 100% për çiklizmin dhe nuk pendohem, por tani dua të jetojë pa stërvitje strikte, sepse presioni i garave në majat e larta është rraskapitës”, ka theksuar James.
