Flamuri i Kosovës valëvitet edhe në Otava - Bota Sot
Flamuri i Kosovës valëvitet edhe në Otava

Diaspora

Flamuri i Kosovës valëvitet edhe në Otava

Më: 15 shkurt 2019 Në ora: 23:55
Otava

Ambasada e Kosovës në kryeqytetin kanadez, Otava, ka njoftuar se për të tretën herë radhazi është valëvitur flamuri i Kosovës në Otava.

Në ceremoninë e organizuar nga kjo Ambasadë, u njoftua se përveç festimeve të 11-vjetorit të Pavarësisë, festohet dhe 20-vjetori i mbërritjes së refugjatëve të Kosovës në Kanada, 20-vjetori i ndërhyrjes së NATO-s, ku Kanadaja ka qenë një ndër aktorët kryesor, si dhe 10-vjetori i Marrëdhënieve Diplomatike Kanada-Kosovë.

Njoftimi i Ambasadës së Kosovës në Otava:

Për të tretën herë rradhazi në kryeqytetin e Kanadasë, Otava, është valëvitur flamuri i Kosovës.

Veçantia e këtij viti, është së përveç festimeve të 11-vjetorit të Pavarësisë, festohet dhe 20-vjetori i mbërritjes së refugjatëve të Kosovës në Kanada, 20-vjetori i ndërhyrjes së NATO-s ku Kanadaja ka qënë një ndër aktorët kryesor, si dhe 10-vjetori i Marrëdhënieve Diplomatike Kanada-Kosovë.

Në fjalën e tij, në prezencë të autoriteteve më të larta federale, lokale, trupit diplomatik, gazetarëve dhe komunitetit të diasporës, Ambasadori i Republikës së Kosovës në Kanada Lulzim Hiseni, theksoi raportet e shkëlqyera dhe të veçanta që gëzojnë Kanadaja dhe Kosova . Viti që lamë pas, përveç vizitave tepër të rëndësishme nga autoritet Kosovare në Kanada ka kulmuar dhe me marrëveshjen FIPA (marrëveshja për mbrojtjen e investimeve të huaja) që i hap rrugën bizneseve Kanadeze që të investojnë në tregun Kosovar.

Në kuadër të këtij aktiviteti tepër të rëndësishëm, nën-Kryetari i Bashkisë së Otavës z.Mattheë Luloff, përshëndeti përzemërisht Ambasadën e Kosovës si dhe komunitetin tonë të diasporës të cilët japin një kontribut tepër të çmuar në Otava. Ai përgëzoi iniciativën e Ambasadës së Kosovës dhe komunitetit të diasporës për emërimin e një rruge në Kryeqytetin e Kanadasë me emrin “Parasol Kosovo” në nder të operacionit më të njëjtin emër nga Qeveria Kanadeze në vitin 1999 të cilët sollën në Kanada rreth 7000 refugjatë nga Kosova gjatë luftës.

Kanadaja dhe Kosova ndajnë vlera të përbashkëta dhe kjo i bën këto vende që të jenë mike-u shpreh në fjalën e saj Kryetarja e Grupit të Miqësisë Parlamentare Kosovë-Kanada deputetja Anita Vandenbeld ,e cila shprehu dhe urimet më të përzemërta në emër të Kryeministrit Kanadez Justin Trudeau.  Drejtoresha për Europën Lindore dhe Azi pranë Ministrisë së Punëve të Jashtme Kanadeze vlerësoi lartë intesitetin e marrëdhënieve ndërmjet dy vendeve dhe shprehu gadishmërinë sidomos për bashkëpunim më të thelluar ekonomik dhe tregtar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...