Foshnja shqiptare që u aksidentua pasditen e djeshme në Marostica teksa luante me familjen e saj, është duke luftuar me jetën në spitalin e Padovas, ku mjekët i kanë hequr njërën këmbë për ta mbajtur në jetë.
Bashkë me të, të lënduar mbetën edhe nëna, babai dhe vëllai 4-vjeçar, por pa rrezik për jetën.
Njeriu që shkaktoi aksidentin është Pietro Dal Santo, sipërmarrës 58-vjeç, profili i të cilit në Facebook është mbushur me komente të shumta, ku nuk mungojnë as kërcënimet për aktin e kryer.
Dal Santo fillimisht u largua nga vendi i ngjarjes, por kur u pikas nga policia doli nga furgoni dhe u dorëzua.
Fillimisht ai nuk pranoi ti nënshtrohej testit anti-alkool, por pas vendimit të gjykatësit prova u krye dhe 58-vjeçari italian doli pozitiv.
Nëse sheh profilin e italianit, ve re shumë foto të tij me gota birre apo vere në duar.