Ambasadorja e Republikës së Kosovës në Bernë, Nazane Breca priti sot gazetarin dhe publicistin, autorin e “Librit të Luftës“, Nuhi Bytyçi.
“Gjatë takimit ambasadorja Breca e informoi Bytyçin lidhur me punën e ambasadës së Kosovës dhe veçmas me bashkëpunimin me institucionet shtetërore zvicerane, dhe kryerjen e shërbimeve të ndryshme të qytetarëve të Kosovës që jetojnë e punojnë në Zvicër”, njofton Ambasada.
Njoftimi i plotë i Ambasadës së Kosovës në Bernë:
AMBASADORJA NAZANE BRECA, PRITI GAZETARIN DHE PUBLICISTIN TONË TË NJOHUR, NUHI BYTYÇI
Ambasadorja e Republikës së Kosovës në Bernë, Nazane Breca, e shoqëruar nga Mustafë Xhemaili, Ministër Këshilltar, priti gazetarin e publicistin e njohur dhe autorin e „Librit të luftës“, Nuhi Bytyçi. Gjatë takimit ambasadorja Breca e informoi Bytyçin lidhur me punën e ambasadës së Kosovës dhe veçmas me bashkëpunimin me institucionet shtetërore zvicerane dhe kryerjen e shërbimeve të ndryshme të qytetarëve të Kosovës që jetojnë e punojnë në Zvicër. Nuhi Bytyçi ia dhuroi Ambasadores Breca veprën „Libri i luftës“, botuar kohë më parë. Ambasadorja e falënderoi autorin e librit dhe e përgëzoi për punën e tij profesionale në shërbim të informimit të opinionit shqiptar dhe atij ndërkombëtar lidhur me zhvillimet në Kosovë dhe në trojet e tjera etnike shqiptare gjatë periudhës 40 vjeçare, sidomos gjatë periudhës së luftës për lirinë dhe pavarësinë e Kosovës. Publicistin Nuhi Bytyçi, ambasadorja e uroi ed he për përmovimet që do t’i bëhen „Librit të Luftës“ këto ditë para mërgimtarëve tanë, të organizuar nga Ambasada dhe dy konsullatat tona në Cyrih dhe në Gjenevë.
