Nxënësit e shkollës shqipe nga Sllovenia të lumtur që MDIS-i u mundësoi vizitën në vendlindje - Bota Sot
Nxënësit e shkollës shqipe nga Sllovenia të lumtur që MDIS-i u mundësoi vizitën në vendlindje

Diaspora

Nxënësit e shkollës shqipe nga Sllovenia të lumtur që MDIS-i u mundësoi vizitën në vendlindje

Më: 30 maj 2019 Në ora: 12:24
Pamje nga vizita

Organizuar nga Ministria e Diasporës dhe Investimeve Strategjike, nxënës të shkollës shqipe të Sllovenisë po qëndrojnë për një vizitë në Kosovë 4-ditore në Kosovë.

Sot ata janë pritur në Ministrinë e Diasporës nga zëvendësministri Isni Kilaj. 

Z.Kilaj është shprehur i lumtur që po takon nxënës dhe mësues që janë të interesuar ta ruajnë kulturën, gjuhën dhe traditën shqiptare.

Duke u uruar mirëseardhje në emër të zëvendëskyrministrit/ministrit të Diasporës, Dardan Gashi, Kilaj ka thënë se me qëllim të ruajtjes dhe forcimit të lidhjeve me Kosovën, MDIS-i mbështet dhe organizon vizita të tilla për nxënësit shqiptarë nga diaspora.

 “Qëllimi i ministrisë është që përmes organizimeve si ky sot, por edhe të tjerave t'i  mbani  kontaktet me atdheun për të ruajtur gjuhën, kulturën e traditën”, është shprehur zëvendësministri Kilaj.

 Ndërkaq, mësimdhënëset dhe nxënësit e falënderuan Ministrinë, në veçanti ministrin Dardan Gashi, i cili ka mundësuar krijimin e lidhjeve ndërmjet bashkatdhetarëve nga Sllovenia. Ata theksuan se komuniteti shqiptar në Slloveni  kurrë më parë nuk kishte një lidhje kaq të afërt me Kosovën.

 Në ditën e dytë në Kosovë, ata do të  vizitojnë edhe një shkollë të Mushtishtit të Suharekës, ku do të mbahet orë e përbashkët mësimi dhe do të jepet një program kulturor. Më pas, do të vizitojnë memorialin  “Adem Jashari” në Prekaz.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...