Një aksident tragjik i mori jetën këtë të enjte një gruaja shqiptare në Lecce të Italisë.
Ngjarja e rëndë ndodhi pak pas orës 13:00 në Salento. Në aksident u përfshinë 4 mjete, mes tyre edhe një kamion.
Përplasja ishte fatale për 40-vjeçaren shqiptare Angjelina Zefi, e cila jetonte në Casarano.
Ajo udhëtonte me një prej makinave të përfshira në aksident. Gruaja u përplas nga një kamion dhe vdiq në vendngjarje.
Sipas hetimeve të para nga karabinierët, shqiptarja udhëtonte me një Renault Megane, kur në një kthesë i ra nga pas një Mini Cooper Countryman, që drejtohej nga një 35-vjeçar.
Dy drejtuesit zbritën nga automjetet. Në këtë moment kamioni mori përpara makinën e shqiptares duke e shtyrë drejt tyre. Për gruan, e cila punonte në një restorant, goditja qe fatale.
Ndërsa 35-vjeçari u dërgua me urgjencë në spital.
